«Атамекен» ҚР ҰКП Арбитраж орталығы электрондық құжат айналымы үшін TrustMe платформасын пайдаланады. Енді анықтамаларға, шешімдерге және басқа да арбитраждық құжаттарға қашықтан электрондық форматта қол қоюға болады. Бұл төрешілер мен Арбитраж орталығының қызметкерлеріне құжаттарды басып шығарып, қағаз түрінде ұсыну қажеттілігінсіз, өз құрылғылары арқылы қол қоюға мүмкіндік береді.
Қол қою процесі үш кезеңнен тұрады:
1. Құжатты жүктеу – дайын құжат платформаға жүктеледі немесе қажетті үлгі таңдалады.
2. Қол қоюға жіберу – қатысушыға SMS немесе электрондық цифрлық қолтаңба (ЭЦҚ) арқылы қол қою туралы сұрау жіберіледі.
3. Қол қою – қатысушы сәйкестендіруден өтіп, құжатқа электрондық форматта қол қояды.
Қол қою барысында құжатпен жасалған әрекеттер туралы ақпарат электрондық жүйеде тіркеледі: күні мен уақыты, IP-мекенжайы, пайдаланылған құрылғы және қол қою тарихы сақталады.
Құжаттарға бірнеше тәсілмен қол қоюға және оларды растауға болады:
ЭЦҚ – мемлекет мойындаған және қолмен қойылған қолтаңбамен тең заңды күшке ие электрондық цифрлық қолтаңба.
SMS-код – тұлғаны және құжатқа қол қоюға келісімін растаудың қарапайым әрі жылдам тәсілі.
Face ID – қол қоюшыны биометриялық деректер арқылы сәйкестендіру тәсілі. Ол тұлғаны растаудың қосымша деңгейін қамтамасыз етіп, қол қоюшыны алмастыру қатерін төмендетеді.
Осылайша, электрондық форматта қол қойылған арбитраждық құжаттардың қағаз жеткізгіште рәсімделген құжаттармен бірдей заңды күші бар. Электрондық формат құжат айналымына кететін уақытты қысқартуға, құжат алмасуды жеңілдетуге және оларды сенімді сақтауды қамтамасыз етуге мүмкіндік береді.
Цифрлық формат Арбитраж орталығының құжат айналымын арбитраждық талқылаудың барлық қатысушылары үшін жылдам, ыңғайлы әрі қауіпсіз етеді.