«Атамекен» төрелік орталығы Колумбия университетінің «Төрелік шеберлігі: тағайындаудан шешім шығаруға дейін» атты сертификатталған курсына қатысуға өтінім қабылдау басталғанын хабарлайды. Бұл – Халықаралық арбитраж орталығы (IAC), Түркі арбитраж қауымдастығы, АҚШ Сауда министрлігінің Коммерциялық құқықты дамыту бағдарламасы (CLDP) және Колумбия университетінің Құқық мектебі жанындағы Халықаралық коммерциялық және инвестициялық арбитраж орталығы (CICIA) бірлесіп ұйымдастыратын төрешілерді практикалық даярлауға арналған төрт күндік интенсивті бағдарлама.
Бағдарлама қазіргі төрешілерге және төреші ретінде алғашқы тағайындауларға дайындалып жүрген тәжірибелі заңгерлерге арналған. Бағдарлама аясында төрелік алқасының жұмысына қажетті кәсіби пайымдау мен шешім қабылдау дағдыларын дамытуға ерекше көңіл бөлінеді.
Қатысушылар бір халықаралық төрелік іс бойынша төрелік алқаларының құрамында жұмыс істейді. Бағдарлама барысында олар процессуалдық кеңестер өткізеді, даулы өтініштерді қарайды, құжаттамалық дәлелдемелермен, куәлармен және сарапшылармен жұмыс істейді, тараптардың ұстанымдарын талдайды, модельдік тыңдауларға қатысады, іс бойынша кеңес өткізеді және қорытынды кезеңде уәжді түпкілікті төрелік шешім әзірлейді.
Бағдарламаны толық аяқтаған қатысушылар Колумбия университетінің сертификатына ие болады.
Бағдарлама туралы ақпарат:
Күні: 2026 жылғы 29 қазан – 1 қараша
Уақыты: 09:00–16:30 (Астана уақыты бойынша)
Форматы: офлайн (офлайн бөлім басталғанға дейін міндетті алдын ала онлайн компоненттен өту қажет)
Өтетін орны: Халықаралық арбитраж орталығының ғимараты, Мәнгілік Ел даңғылы, 55/16, C3.1 блогы, Астана, Қазақстан
Тілі: орыс тіліне синхронды аудармамен ағылшын тілі
Қатысу ақысы: тегін
Қатысушылар саны: 30 адам
Өтінімдерді қабылдау мерзімі: 2026 жылғы 11 қазан
Үміткерлер бағдарлама талаптарына сәйкес келуі және бағдарламаны толық көлемде, оның ішінде төрт күндік офлайн оқытуды, міндетті алдын ала онлайн компонентті және төрелік шешімді әзірлеу бойынша қорытынды тапсырманы орындауға дайын болуы тиіс.
Қатысушыларға қойылатын талаптар:
Қазіргі төрешілер және төреші ретінде алғашқы тағайындауларына дайындалып жүрген тәжірибелі заңгерлер.
Офлайн оқытудың барлық төрт күніне міндетті түрде қатысу.
Міндетті алдын ала онлайн компоненттен өту.
Барлық міндетті симуляциялар мен практикалық жаттығуларға белсенді қатысу.
Бағдарламаға қатысу үміткерлерді іріктеу нәтижелері бойынша жүзеге асырылады. Барлық келіп түскен өтінімдер қаралып, іріктеуден өткен кандидаттармен жеке байланыс орнатылады.
Өтінім беру және бағдарлама туралы толық ақпарат: