Құрметті достар!
Коммерциялық қызмет барысында түрлі келісім-шарттар жасалынады. Осы келісім-шарттарды бұзу түрлі келеңсіз жағдайлар туғызады. Егер осындай даулар келісім-сөздер арқылы достық тәртібімен шешілмесе, сотқа бару қажеттілігі туындайды. Бұл әрдайым ұзаққа созылған іс жүргізу мен айтарлықтай шығыстарға әкеліп соғады.
Егер екінші тарап – шетелдік тұлға болса, онда жағдайыңыз одан бетер қиындай түседі. Ондай кезде Сізге контрагентіңіз тұратын мемлекетке барып шетелдік мемлекеттік сотқа арыз беруге тура келеді. Онда қосымша артық уақытыңыз бен қомақты ақша қажет.
Соған байланысты біздің басты мақсатымыз Сіздердің дауларыңызды уақытылы және ыңғайлы соттан тыс тәртіппен шешу болып табылады. Біз дауларды қалай шешеміз? Ең басынан бастап Сіздерге арбитраждың ұйымдастырушылық сұрақтары бойынша кеңес беріп, құжаттардың үлгі нысандарын береміз. Төрешілерді таңдауға көмектесіп, төрелік істі қарауды ұйымдастырамыз.
Сіздердің қалауларыңыз біз үшін ең басты приоритет. Сіз төрелік іс жүргізудің қатысушысысыз, және тек Сіз осы процесстің қалай жүретінін анықтай аласыз. Дауды тез, оңай және әділ шешу де біздің басты приоритетіміз. Сіз тек қана өзіңіздің талап арызыңызды бекітетін дәлелдемелерді көрсетуіңіз қажет. Ол үшін заңгерді жалдау да міндетті емес.
Төрелік шешім сот шешімі сияқты заңды күшке ие. Егер төрелік шешімді орындау барысында Сіздерде қиындықтар туындаса, біз әрдайым тиісті кеңес беруге дайынбыз, әсіресе төрелік шешімді шетелде орындау барысында.
Сіздер алаңсыз басты кәсіптеріңізбен, кәсіпкерлікпен айналыса берсеңіз болады. Ал біздің мақсатымыз - Сіздерде пайда болған дауларды шешу!
