«Атамекен» ҰКП, АХҚО Соты және Халықаралық арбитраж орталығы ынтымақтастық туралы меморандумға қол қойды

2026 жылғы 2 шілдеде «Атамекен» ҰКП, «Астана» халықаралық қаржы орталығының Соты және Халықаралық арбитраж орталығы өзара түсіністік туралы меморандумға қол қойды.

Құжат кәсіби ынтымақтастықты дамытуға, тәжірибе алмасуға, мамандардың біліктілігін арттыруға және коммерциялық дауларды шешудің заманауи тетіктерін ілгерілетуге бағытталған.

Меморандумға қол қою бизнеске арналған құқықтық ортаны жетілдіру және Қазақстанның инвестициялық тартымдылығын арттыру бағытында жұмыс істейтін ұлттық және халықаралық институттар арасындағы өзара іс-қимылды нығайтудағы маңызды қадам болды.

«Атамекен» ҚР ҰКП Басқарма мүшесі – Басқарма Төрағасының орынбасары Гүлнара Бижанова кәсіпкерлердің құқықтарын қорғау және қолайлы құқықтық ортаны дамыту Палата қызметінің негізгі бағыттары болып қала беретінін атап өтті. 2014 жылдан бері жұмыс істеп келе жатқан «Атамекен» ҰКП Арбитраж орталығының қызметі ерекше маңызға ие.

Тараптар білім беру іс-шараларын, семинарлар мен конференцияларды өткізуде ынтымақтасуды, сондай-ақ кәсіби бастамалар мен жарияланымдарды қолдауды жоспарлап отыр.

АХҚО Соты мен Халықаралық арбитраж орталығының Тіркеушісі және аппарат басшысы Кристофер Кэмпбелл-Холт OBE Қазақстанның инвесторлардың құқықтарын қорғауға және коммерциялық дауларды шешуге арналған сенімді алаң ретіндегі позициясын нығайтып келе жатқанын баса айтты.
Ынтымақтастық үздік халықаралық практикаларды енгізуге, сараптамалық әлеуетті дамытуға және коммерциялық дауларды соттан тыс шешу мүмкіндіктерін кеңейтуге ықпал ететін болады.

«Атамекен» ҰКП, АХҚО Соты және Халықаралық арбитраж орталығы арасындағы өзара түсіністік туралы меморандумға қол қою туралы толығырақ: https://atameken.kz/news/56987-npp-atameken-sud-mftsa-i-mezhdunarodnyj-arbitrazhnyj-tsentr-podpisali-memorandum-o-sotrudnichestve